Kwasida, Kɔtɔnimma 21, 2023
Nnawɔtwe no asɛmti: TUMI AHODOƆ MMIENU A WƆDI DWUMA WƆ GYIDINI ABRABƆ MU
Akenkan: Romafoɔ 7:14-25
_______________________
Romafoɔ 7:23
nanso mehunu mmara foforɔ bi wɔ me honam akwaa mu a ɛne m'adwene mu mmara ko na ɛfa me dommum ma bɔne mmara a ɛwɔ me honam akwaa mu no.
Gyidini biara abrabɔ mu no, ɔko wɔ nipa dadaa a bɔne ne mmerɛyɛ akyekyere no, ne nipa foforɔ a ɛnam Kristo adom ne ne tumi so asakra no ntam. Ɛnyɛ Paulo nko na ɔperepere yi; ɛka agyidifoɔ ho kɛse wɔ mfie no nyinaa mu.
Enti, ɔko a ɛrekɔ so wɔ yɛn mu no mma yɛn abam mmu. Mmom, momma yɛmfa yɛn ani nsi Yesu Kristo so, ɔno a ogyinaa apereperedi a etwa toɔ wɔ asɛnnua no so, dii bɔne ne owuo so nkonim no.
Kae, adamfo dɔfoɔ, sɛ ɔko a ɛwɔ yɛn mu no yɛ adanse a ɛkyerɛ sɛ yɛpɛ sɛ yɛbɔ bra a ɛhyɛ Onyankopɔn anuonyam. Ɛnam saa aperepereɛ yi so na yɛn gyidie ho teɛ na yɛn ho a yɛde to Ne so no mu dɔ.
Onyankopɔn ahoɔden nhyɛ yɛn den, Ne dɔ nhyɛ yɛn nkuran, na Ne Honhom nhyɛ yɛn den bere a yɛrenam saa gyidie akwantuo yi mu.
Nhyira!
Yɛmbɔ Mpaeɛ:
Abba Agya, yɛda Wo ase. O Awurade, fa Wo Honhom no hyɛ yɛn den na yɛnyɛ nea ɛyɛ sɛnea Wopɛ teɛ, wɔ Yesu din mu. Amen.
